Kongresisti amerikan, Ritchie Torres është takuar me ministren e Punëve të Jashtme të Kosovës, Donika Gërvalla, teksa thekson se Kosova është histori suksesi në Ballkanin Perëndimor dhe aleat i palëkundur i Shteteve të Bashkuara të Amerikës.
Kështu u shpreh ai në një postim në llogarinë e tij në platformën “X”, ku thotë se gjatë takimit me Gërvallën diskutuan për agresionin me të cilin po përballet Kosovës nga Serbia në veri.
“Si kongresmen për Bronksin, ku jetojnë mijëra shqiptarë nga Kosova, pata një takim produktiv me Ministren e Jashtme, Donika Gërvalla, për agresionin me të cilin po përballet Kosova gjithnjë e më shumë nga Serbia në veri. Unë qëndroj me Kosovën, e cila është një histori suksesi e demokracisë në Ballkanin Perëndimor dhe një aleat i palëkundur i Shteteve të Bashkuara”, shkroi Torres.
Për këtë takim, disa fjalë shkroi edhe ministrja e këtij dikasteri.
Teksa takimin e cilëson si të shkëlqyer, Gërvalla thotë se kongresisti amerikan gjatë takimit ka theksuar nevojën për veprim kundër regjimit të presidentit serb, Aleksandër Vuçiq, për të parandaluar përshkallëzimin e mëtejshëm.
“Takim i shkëlqyer me kongresmenin Ritchie Torres, një mbështetës i vendosur i Kosovës. Ai trajtoi zhvillimet rajonale, agresionin e Serbisë ndaj Kosovës dhe theksoi nevojën për veprim kundër regjimit të Vuçiqit për të parandaluar përshkallëzimin e mëtejshëm. Gjithashtu diskutuam aspiratat tona për anëtarësim në NATO”, shkroi Gërvalla.
As the Congressman for the Bronx, which is home to thousands of Albanians from Kosovo, I had a productive meeting with Foreign Minister @gervallaschwarz about the aggression Kosovo has been increasingly facing from Serbia in the north.
I stand with Kosovo, which is a success… https://t.co/xUyJUMoHPx
— Ritchie Torres (@RitchieTorres) October 26, 2023