Shefi i Grupit Parlamentar të Partisë Demokratike të Kosovës (PDK), Abelard Tahiri ka kritikuar partinë në pushtet se po bojkoton seancat duke i dëmtuar kështu qytetarët.
Ai në seancën e jashtëzakonshme të thirrur nga AAK-ja që po diskutohet për koeficientin e pagave ka thënë se pagat e tanishme janë të pamjaftueshme si për mjekun, mësuesin, zjarrfikësin, e kategoritë e tjera.
Sipas tij, me këtë pagë qytetari as nuk mund të mbijetojë.
“Me këto paga që marrin shërbyesit civilë nuk kanë mundësi të hajnë shujtë peshk e pulë siç thoshte Kurti në vitin 2018, ndërsa tashmë me me pagën e vitit 2023 qytetari me këtë pagë as nuk mund të mbijetojë”, ka thënë Tahiri.
Ai ka thënë tutje “se si pasojë e këtyre pagave” qytetarët po detyrohen të lëshojnë vendin.
Sipas tij, kjo qeveri duhet të nxjerrë vendin nga sanksionet e jo të lëshojnë seancat.
“Ne duhet të kemi një qeveri e cila e nxjerr vendin nga sanksionet, që nuk e lëshojnë seancën, e lëshojnë për paga, për polici, për minatorë. Është gabim që t’u votohen marrëveshjet ndërkombëtare, buxhetin sepse vetëm do e varfërojnë vendin”, ka vijuar ai.