Kryetari i Partisë Demokratike të Kosovës (PDK), Memli Krasniqi, e ka akuzuar kryeministrin e Kosovës, Albin Kurti, se i është “nënshtruar” emisarit të BE-së, Miroslav Lajçak për të mos dhënë detaje në lidhje me draft-statutin e Asociacionit.
Ai i është drejtuar Kurtit duke i thënë se pse ky entuziazëm për të nënshkruar këtë draft-statut për Asociacionin së bashku me Vuçiqin.
“Zoti kryeministër, e shfrytëzoj rastin të përgëzoj ministrin Rashiq, që për herë të parë ka mundësinë të dëgjojë kryeministrin duke mbrojtur Asociacionin. E uroj edhe atë edhe ty për këtë qasje. Ti që thua se ky draft është më i mirë se i 2013-ës, a na tregon se a shkruan diçka për Asociacionin në këtë draft që e ke marrë. Pse po ke dëshirë të nënshkruash me Vuçiqin, a dëshiron të dalësh në një fotografi me të duke nënshkruar. Për që i nënshtrohesh qashtu Lajçakut, kurrë s’kom besu, ai thotë mos fol, ti okej”, ka thënë Krasniqi.