Zëdhënësja e LDK-së, Sibel Halimi, i ka reaguar kryeministrit, Albin Kurti, i cili pak më herët u lavdërua për sukseset në politikën e jashtme.
Sipas Hamiti është “kundër logjikës” të lavdërohesh për suksese në diplomaci kur Kosova është në sanksione nga aleatët e saj.
“Është kundër logjikës të lavdërohesh për suksese në diplomaci, në një kohë kur Kosova është nën masa shtrënguese, pikërisht nga aleatët e saj. E kryeministri Kurti, në vend se të lëvizë në kahun e duhur për t’ia hequr sanksionet që i prekin drejtpërdrejt qytetarët kosovarë, ai shfaqet me krekosje”, ka shkruar Halimi në Facebook.
Halimi ka theksuar se diplomacia kosovare ne krye me kryediplomaten, Donika Gërvlla, është në qorrsokak.
“Në dy vite e gjysmë mandat, nuk patëm asnjë njohje, asnjë anëtarësim në organizata ndërkombëtare. E ta cilësosh aplikimin për sukses është absurditet.
Nëse i kujtojmë gafat e panumërta të zëvendëskryeministres Gërvalla në deklaratat e saj të pamatura dhe të dëmshme për vendin, atëherë mund të konkludojmë se diplomacia kosovare është në qorrsokak!”, ka shtuar Halimi.