Prokuroria Themelore në Prishtinë, të hënën e gjashtë nëntorit, ka njoftuar se ka ndaluar drejtorin e Shërbimeve Publike në komunën e Fushë-Kosovës, Maliq Berishën, i cili dyshohet për veprën penale “Keqpërdorim i pozitës apo autoritetit zyrtar”.
“Prokuroria Themelore në Prishtinë njofton opinionin publik se prokurori i Shtetit ka lëshuar aktvendim mbi ndalimin e M.B., drejtor i Shërbimeve Publike në komunën e Fushë-Kosovës, për shkak të dyshimit se ka kryer veprën penale “Keqpërdorimi i pozitës apo autoritetit zyrtar”, sipas KPRK-së”, thuhet në njoftimin zyrtar të Prokurorisë Themelore në Prishtinë.
I dyshuari i lartcekur është ndaluar me urdhër të prokurorit në kohëzgjatje prej 48 orësh, derisa ndaj të njëjtit do të ndërmerren veprime të mëtejme ligjore, si dhe për këtë çështje penale do të vazhdojë ndërmarrja e veprimeve hetimore në koordinim me Policinë.