Drejtori i një spitali në veri të Gazës ka paralajmëruar se qendra mjekësore është e rrethuar plotësisht me tanke, duke e bërë të pamundur largimin.
Mustafa al-Kahlout, i cili drejton spitalin Al Nasr dhe spitalin pediatrik Al Rantisi, ka bërë thirrje për evakuimin e mjekëve dhe të pacientëve brenda, derisa luftimet intensifikohen.
“Ne jemi plotësisht të rrethuar, ka tanke jashtë spitalit dhe ne nuk mund të largohemi’, ka thënë al-Kahlout për CNN, përcjell Dukagjini.
Kompleksi spitalor është afër lagjes Sheikh Radwan dhe kampit të refugjatëve Al Shati, ku luftimet tokësore u raportuan nga IDF dhe Hamasi veçmas.
“Nuk kemi rrymë, nuk kemi oksigjen për pacientët, nuk kemi ilaçe dhe ujë. Ne nuk e dimë fatin tonë, por nuk ka pasur asnjë kontakt nga Kryqi i Kuq apo ndonjë organizatë ndërkombëtare”, ka thënë tutje Al-Kahlout.