Një person ka ndërruar jetë si pasojë e plagëve të marra nga goditja e degëve të lisit në Istog.
Në raportin 24-orësh të policisë së Kosovës thuhet se policia është duke e hetuar rastin.
Mjeku kujdestar e ka konstatuar vdekjen e viktimës derisa një person tjetër është lënduar dhe i njëjti është dërguar në spitalin e Pejës për tretman mjekësor.
“Raportohet se dy viktimat meshkuj kosovar, deri sa kanë qenë duke pre dru në pyll, gjatë rrëzimit të një lisi, janë goditur nga degët e lisit dhe si pasojë të njëjtit kanë pësuar lëndime trupore. Në vendin e ngjarjes kanë dal njësitet përkatës, ku mjeku kujdestar ka konstatuar vdekjen e njërit prej viktimave, ndërsa tjetri dërgohet në spitalin e Pejës për tretman mjekësor. Me vendim të prokurorit, trupi i pa jetë i viktimës dërgohet në IML për obduksion”, thuhet në raport.