Kryetari Këshillit Shqiptar të Luginës së Preshevës, Ragmi Mustafi, ka folur për zgjedhjet e mbajtura më 3 prill në Serbi, ku ka thënë se janë përsëritur zgjedhjet në njësinë numër gjashtë në fshatin Tërnoc, në të cilën u siguruan edhe 600 deri 700 vota, prej të cilave është siguruar një ulëse për shqiptarët në mesin e Parlamentit të Serbisë.
Sipas Mustafës, në Tërnoc është vendosur që zëri i shqiptarëve të dëgjohet në Kuvendin e Serbisë.
Mustafa ka thënë se Komisioni Zgjedhor Lokal kishte aprovuar raportin e komisionit që i kishte organizuar zgjedhjet, por më pas, Komisioni Republikan në Beograd e kishte aprovuar ankesën e Partisë SPS të Ivica Daçiqit, e cila ishte ankuar në Gjykatën Administrative. Rreth kësaj çështjeje, kjo e fundit i kishte dhënë të drejtë Partisë së Daçiqit.
“Gjykata Administrative ka marrë vendimin që zgjedhjet të mbahen për herën e tretë në njësinë numër 6-të në Tërnoc më 27 maj të vitit 2022”, ka thënë ai.
Gjithashtu, ai ka shtuar se prej kësaj përsëritjeje të zgjedhjeve janë vetëm dy mundësi, “ose të bojkotohen, ose të luftojmë që të sigurojmë një zë në Parlamentin e Serbisë”.
Po ashtu, Mustafa shtoi se Partitë shqiptare në Luginë janë dakorduar që të marrin pjesë në zgjedhjet e 27 majit në Serbi.