Kryeministri i Kosovës, Albin Kurti, u ka dërguar deputetëve të Kuvendit të Kosovës nga një dhuratë për fundvit.
Këtë e ka bërë të ditur deputetja e PDK-së, Ganimete Musliu, përmes një videoje të postuar.
Në këtë video, Musliu ka thënë se kryeministri Albin Kurti është shndërruar në një babadimër, dhe siç është shprehur ajo, për një vit rresht është tallur me deputetët.
“Kurti ka dashur t’i ëmbëlsojë deputetët me nga një çokollatë dhe nga një zarf urimi për fundvit. Albin Kurti, i cili rolin e kryeministrit e ka shndërruar në babadimër, për një vit rresht u tall me Kuvendin e Kosovës dhe tentoi të poshtërojë e t’i denigrojë deputetet, paska zgjedhur që me para të qytetarëve të na dhurojë dhurata për vitin e ri”, ka thënë Musliu.
“Unë nuk mund të pranoj dhurata nga Albin Kurti, i cili i la pa protezat invalidët e Ushtrisë Çlirimtare të Kosovës, prandaj sot ia ktheva personalisht dhuratën”, ka thënë deputetja Ganimete Musliu.