Një vizitë e ministrit të jashtëm rus Sergei Lavrov në Beograd është paralajmëruar për datën 7 qershor.
Kjo u bë ditur nga mediat serbe dy ditë pasi Lavrov e quajti trillim masakrën e Reçakut të kryer nga forcat serbe para dy dekadash në Kosovë.
E, vizita e tij në shtetin serb, sipas publicistit dhe profesorit Nexhmedin Spahiu, ka për qëllim ruajtjen e marrëdhënieve me aleatin e saj besnik.
“Është e natyrshme që Rusia që ndodhet në luftë të përpiqet t’i forcojë apo t’i mirëmbajë lidhjet me aleatët e saj. Në këtë frymë është edhe vizita e tij në Beograd për të mbajtur së paku atë që Serbia të jetë edhe me Lindje edhe me Perëndimin, minimumi kjo, e maksimumi ta bëjë totalisht për vete”, Nexhmedin Spahiu, Publicist.
Kurse, profesori i marrëdhënieve ndërkombëtare, Ibrahim Gashi thotë se përveç kësaj, Lavrov mund të çojë në Beograd edhe plane të tjera.
“Vizitën e Lavrovit mund ta shohim edhe për të nxitur Serbinë që të provokojë ndonjë incident ose konflikt në Ballkan në një kohë kur bashkia ndërkombëtare është e preokupuar me konfliktin e Ukrainës. Mund të jetë edhe në funksion për ta pengu sabotuar ose së paku frenuar , për një kohë procesin e dialogut midis Prishtinës dhe Beogradit”, Ibrahim Gashi, Profesor i marrëdhënieve ndërkombëtare.
Herën e fundit, Lavrov vizitoi Serbinë në dhjetor të vitit 2020.