Deputetja e Lidhjes Demokratike të Kosovës (LDK), Hykmete Bajrami, ka thënë se liberalizimi i vizave nuk është meritë e kryeministrit Albin Kurti dhe e Lëvizjes Vetëvendosje.
Përmes një postimi, Bajrami ka thënë se Kurti dhe partia që ai e drejton e kanë shtyrë këtë proces nga viti 2017 deri në 2024.
“Fakti që Kosova është nën sanksione tregon më se miri meritat e Albin Kurtit për liberalizim. Megjithatë ai dhe LVV ka një meritë sa i përket liberalizimit, e kanë shty nga 2017 në 2024”, është shprehur deputetja e LDK-së.
Kujtojmë që nga 1 janari i vitit 2024, qytetarët e Republikës së Kosovës kanë filluar të lëvizin pa viza drejt vendeve evropiane të zonës Schengen.