Për të dalë nga territori i Kosovës, qytetarët po ballafaqohen me pritje deri në dy orë në pikën kufitare në Merdar.
Sipas të dhënave të Qendrës kombëtare për menaxhim kufitar, kolona e veturave që janë duke pritur për të dalë nga Kosova, në Merdar është 1000 metra.
Pritja për të dalë nga kjo pikë kufitare shkon nga 110 deri në 120 minuta.
Ndërsa te Dheu i Bardhë pritjet për të dalë janë 300 metra, duke pritur deri në 50 minuta.
Në pikat e tjera nuk ka pritje as në hyrje e as në dalje, ose mesatarisht hyrja dhe dalja përllogariten rreth 3-5 minuta maksimum dhe pa kolona të pritjes.
