Gjatë takimit me kryeministrin Albin Kurti, opozitarët shqiptarë në Maqedoni të Veriut kanë shprehur një propozim për president në Maqedoni të V..
Por, sipas gazetarit Lirim Mehmetaj, nxjerrja e një kandidati shqiptar për president atje, i ndihmon presidentit serb, Aleksandër Vuçiq dhe iu bën dëm shqiptarëve.
“Sot i ndihmon Vuçiq me e nxjerrë një kandidat shqiptar, sepse ia pamundëson shqiptarëve për ta rritur pazarin në koalicionin qeveritar. Edhe nëse nxjerr, ju e dini që nuk fitoni, apo mendon që një shqiptar bëhet president a, me cilat vota, me vota të maqedonasve a, ju nuk jeni iluzionistë, kjo është qëllimkeqe. Kjo është me e dëmtu BDI-në, rrjedhimisht me i dëmtu shqiptarët”, ka thënë Mehmetaj.
Kurti, gjatë së martës, priti në takim Arben Taravarin, kryetar i Aleancës për Shqiptarët (ASh) dhe i komunës së Gostivarit, si dhe udhëheqësit e Lidhjes Evropiane për Ndryshim (LEN), Bilall Kasamin, kryetar i Lëvizjes BESA e i komunës së Tetovës, Izet Mexhitin, kryetar i Lëvizjes Demokratike dhe deputeti e Afrim Gashin, kryetar i Alternativës, po ashtu deputet.