Aktakuza e ngritur në fundin e vitit 2022, kundër të dyshuarit Dushko Arsiq, i akuzuar për krime lufte, ka marrë verdiktin e gjykatës këtë të premte.
Vendimi me të cilin Arshiq u gjet fajtor dhe u dënua me 13 vjet burgim, është kumtuar nga gjyqtari Vesel Ismail.
Vesel ismaili – kryetar i trupit gjykues ka thënë se “Po ashtu ka marrë pjesë në keqtrajtimin e civilëve shqiptarë, e disa nga ta i kanë plagosur dhe vrarë. Në mes të këtyre viktimave, ka marrë pjesë në ekzekutimin e viktimës, tani të ndjerit , Brahim Shala, më 20 prill në Butovc.”
Artan Krasniqi, në atë kohë 15-vjeçar, ishte viktimë e keqtrajtimit të Arshiqit e të tjerëve, ndërsa ishte detyruar të bartte trupin e viktimës Shala.
Por, tani i dënuari dhe të tjerët, i kishin përcjellë edhe një porosi përmes tij.
Vesel ismaili – kryetar i trupit gjykues, ka thënë: Mbrojtja e tij kanë paralajmëruar ankesë në apel, duke shtuar se nuk janë befasuar nga vendimi dënues i shqiptuar në këtë rast, duke bërë akuza se institucionet e drejtësisë, nuk janë në gjendje të zhvillojnë gjykime të drejta.
Përveç pjesëmarrjes në vrasjen e Bajram Shalës dhe keqtrajtimin e Krasniqit, Arsiq akuzohej se kishte qenë pjesë e grupeve që kishin marrë pjesë në dëbimin e dhunshëm të prishtinasve gjatë periudhës janar –qershor 1999, si edhe plaçkitjen e zjarrëvenien e pronave të tyre.