Ministri i Jashtëm i Maqedonisë së Veriut, Bujar Osmani, ka njoftuar se së bashku me kryeministrin maqedon, Talat Xhaferi dhe zëvendëskryeministrin për Çështje Evropiane, Bojan Mariçiq, janë takuar me zëvendëssekretarin e përgjithshëm të NATO-s, Mirçea Xhoana.
Osmani ka thënë se në këtë takim është diskutuar edhe mbi çështjet aktuale të sigurisë.
“Në fokus: çështjet aktuale të sigurisë, kërcënimet ndaj paqes botërore dhe çështje të lidhura ngushtë me aleancën tonë”, ka shkruar Osmani.
Ai është shprehur se Maqedonia e Veriut është aleat i besueshëm që kontribuon në stabilitetin e Ballkanit Perëndimor.