Vdekjet e dy personave në Prishtinë janë duke u hetuar nga Policia e Kosovës.
Kështu bëhet e ditur në raportin 24-orësh të policisë së Kosovës.
Të dy rastet raportohen të kenë ndodhur të shtunën e dy marsit.
Në njërin nga rastet thuhet se një person është dërguar në Qendrën Klinike Universitare të Kosovës pasi e njëjta ishte alivanosur në një autobus urban.
Me vendim të prokurorit thuhet se trupi i pajetë i viktimës është dërguar në Institutin e Mjekësisë Ligjore për obduksion.
“Prishtinë / 02.03.2024 – 12:26. Viktima femër kosovare është dërguar në QKUK pasi që, ishte alivanosur në një autobus urban dhe më pas mjeku ka konstatuar vdekjen e viktimës. Me vendim të prokurorit trupi i pa jetë është dërguar në IML për obduksion”, thuhet në raport.
Në rastin e dytë thuhet se një person është gjetur pa shenja jete në banesën e saj.
“Prishtinë / 02.03.2024 – 15:30. Viktima femër kosovare është gjetur pa shenja jete në banesën e saj. Me vendim të prokurorit trupi i pa jetë i viktimës është dërguar në IML për obduksion”, thuhet në raport.