Kryetari i Aleancës për Ardhmërinë e Kosovës, Ramush Haradinaj, ka njoftuar për shkëputjen e kontratës për shfrytëzimin me qira të objektit 569 m2 në Prishtinë.
Haradinaj ka thënë se pala kontraktuese kishte bërë kërkesë për shkëputjen e njëanshme të kontratës.
Ai, me anë të një postimi në Facebook, tha se edhe AAK-ja si palë kontraktuese ka vendosur për shkëputjen e kontratës.
“Pas kërkesës së palës kontraktuese për shkëputjen e njëanshme të kontratës për shfrytëzimin me qera të hapësirave prej 569 m2, me çmim mujor prej 4552 eurosh në muaj nga Aleanca për Ardhmërinë e Kosovës, njoftoj opinionin publik se edhe ne si palë kontraktuese konfirmojmë shkëputjen e kontratës nga cilësia e qiramarrësit në afatin e paraparë ligjor”, ka shkruar Haradinaj në Facebook.