Ish-ministri i Mbrojtjes, Armend Mehaj, për kërcënimet e presidentit serb ndaj Kosovës, ka thënë se janë permanente dhe përbejnë dëshmi se Serbia nuk ka ndryshuar.
Mehaj i ka rikujtuar presidentit serb, se Kosova është shumë herë më fortë se ajo e viteve 1998-1999, dhe mbi të gjitha në ndërtimin e kapaciteteve të saj ushtarake.
“Armatosja e kësaj të fundit nga armët me moderne, janë dëshmi me e paktë se shteti i jonë është me i fortë se sa duket në pamje të parë. Po ashtu, forcimi i Policisë së Kosovës dhe organeve të tjera të sigurisë, tregon pjekurinë dhe forcimin e shtetit të Kosovës karshi sovranitetit të saj”, ka shkruar Mehaj.
Ish-ministri i Mbrojtjes i ka siguruar të gjithë qytetarët e Republikës së Kosovës, që siguria në vend është në nivelin më të mirë të mundshëm, dhe se sipas tij, kjo falë rritjeve të kapaciteteve të ushtrisë, policisë dhe organeve të shërbimeve intelegjente të Kosovës.
“Qytetaret tonë, duhet të flenë të qetë ashtu siç e tha miku im e miku i madh i Kosovës, ambasadori amerikan Jeff Hovenier. Kosova është me fat se krah asaj ka miqtë e saj të prire nga Shteteve e Bashkuara të Amerikës dhe vendet e tjera të NATO-së. Sa i takon anëtarësimit të Serbisë në NATO, mendoj se ajo patjetër duhet të anëtarësohet në NATO dhe të largohet nga orbita e orientimit rus”, ka shkruar ai.
Sipas Mehajt, kërcënimet e Serbisë për Kosovën janë me qëllim të dëmtimit ekonomik të vendin tonë, duke shtuar se përpjekja për të qenë pjesë e NATO-s do të jetë e pandalshme.