Presidenti i Ukrainës, Volodymyr Zelensky, ka reaguar lidhur me sulmin që ndodhi në Moskë, duke thënë presidenti Vlademir Putin dhe “llumat e tjerë” po përpiqen t’ia hedhin fajin dikujt tjetër.
Zelensky ka thënë se metodat e tyre janë gjithmonë të njëjta, dhe se sipas tij, i kanë parë të gjitha më parë.
“Pati shtëpi të hedhura në erë, të shtëna masive dhe shpërthime. Dhe ata gjithmonë fajësojnë të tjerët. Ata erdhën në Ukrainë, dogjën qytetet tona dhe më pas u përpoqën të fajësonin Ukrainën. Ata torturojnë dhe përdhunojnë njerëzit – dhe më pas i fajësojnë ata. Ata kanë sjellë qindra mijëra terroristë të tyre në territorin ukrainas dhe po bëjnë luftë kundër nesh, por nuk u intereson çfarë ndodh brenda vendit të tyre”, ka shkruar presidenti ukrainas në platformën “X”.
Sipas Zelenskyt, sulmi ndodhi dje dhe Putin-it i mori kohë një ditë për të menduar se si ta lidhte këtë me Ukrainën, e që kjo sipas tij, është plotësisht e parashikueshme.
“Dhe nëse rusët janë të gatshëm të vdesin të qetë në “crocuses” dhe të mos vënë në dyshim shërbimet e tyre speciale, Putin do të përpiqet të shfrytëzojë më shumë nga këto situata për pushtet personal. Terroristët duhet të humbasin gjithmonë”, ka shkruar tutje ai.
What happened in Moscow yesterday is obvious, and Putin and other scums are trying to shift the blame to someone else. Their methods are always the same. We have seen it all before. There were blown-up houses, mass shootings, and explosions. And they always blame others.
They… pic.twitter.com/N6WhZujMh9
— Volodymyr Zelenskyy / Володимир Зеленський (@ZelenskyyUa) March 23, 2024