Shefja e Grupit Parlamentar të VV-s, Mimoza Kusari – Lila, ka thënë se nuk ka konsensus mes partive opozitare për shkarkimin e Qeverisë Kurti, duke theksuar se nuk e mbështesin mocionin e mosbesimit.
Ajo ka thënë se nuk ka seriozitet për shpërbërjen e Kuvendit.
“Tri grupet parlamentare të opozitës kanë 42 vota bashkë 2 vota janë të deputetëve të pavarur nëse 44 vota nuk ju bashkohen 16 vota të LVV-së sipas deklarimit të tyre atëherë shanset për çfarëdo suksesi të mocionit janë të vogla. Të gjitha këto nuk mund të bëhen në nivelin e deklarimeve politike nga grupime të veçanta për të caktuar një datë të zgjedhjeve në një datë më të afërt sesa zgjedhjet e rregullta.
Përderisa grupet politike të opozitës nuk e kanë këtë duket pak joserioze të kërkohen votat e pozitës për të shpërbërë Kuvendin apo për të mbështetur mocionin e mosbesimit”, ka thënë Kusari – Lila, pas mbledhjes së Kryesisë së Kuvendit.
“Ne jemi deklaruar në raport për kërkesën e mocion mos besimi. Nuk mbështesim një mocion mosbesimi nga një parti, ende nuk ka konsensus mes partive politike”, ka shtuar ajo.