Fetah Zejnullahu, ish-major i FSK-së, ka deklaruar se politika në Serbi ka dalë jashtë binarëve.
Kjo, sipas tij, nënkupton që çdoherë mund të ndodhë një situatë qoftë e tillë sikurse sulmi i 24 shtatorit në Banjskë.
Kështu deklaroi ai në emisionin “Five” në RTV Dukagjini ku po diskutohet për kërcënimet e Serbisë.
“Çdo informatë apo deklaratë nuk duhet të nënçmohen dhe duhet të trajtohen. Po bëhen investime të mëdha në fushën e mbrojtjes dhe sigurisë konkretisht në blerjen e armatimit… Situata e politikës në Serbi ka dalë jashtë binarëve dhe kjo nënkupton që çdoherë mund të ndodhë një situatë e tillë qoftë edhe e aktit terrorist që e patëm në Banjskë… çdoherë kur e humb kontrollin janë të mundshme edhe këto situata”, tha ai.
Sipas Zejnullahut, paralajmërimet që vijnë nga bota ndërkombëtare nuk duhet të nënvlerësohen.
“Bashkësia Ndërkombëtare e ka parë dhe e di që Serbia ka luajtur me dy politika”, shtoi më tej ai.