Aleancës për Ardhmërinë e Kosovës (AAK), sot i është bashkuar profesori universitar me një përvojë të gjatë institucionale dhe akademike, Mensur Neziri.
Lajmin e ka bërë të ditur Kryetari i Aleancës për Ardhmërinë e Kosovës, Ramush Haradinaj, përmes rrjetit social Facebook.
“Sot, Aleancës i bashkohet edhe z. Mensur Neziri – profesor universitar e me një përvojë të gjatë institucionale dhe akademike. Gjithashtu, nga sot, z. Neziri merr besimin për të udhëhequr me degën e Aleancës në qytetin e Shtimes”, ka shkruar Haradinaj.
“Vizioni i Aleancës për një shtet të sigurtë e të zhvilluar ekonomikisht po merr mbështetje anekënd vendit. Koalicioni i prirë nga Aleanca po dëshmohet si forcë serioze politike për t’i sjellë Kosovës ndryshimin e nevojshëm. Në këtë rrugëtim për shtetin, na janë bashkuar shumë njerëz me vlera, profesionistë të dëshmuar në shumë fusha”, ka shkruar më tej Haradinaj.