Ndeshja ndërmjet Anglisë dhe Gjermanisë e cila do të luhet të martën nga ora 20:45 do të jetë një sfide e ashpër për skuadrën e Southgate. Pasi Anglia vjen nga një humbje shokuese nga Hungaria në ndeshjen e parë të Grupit C.
Anglia do të inkurajohet nga takimi i fundit me Gjermaninë, kur fitoi 2:0 në Wembley, për të siguruar vendin e tyre në çerekfinalet e Euro 2020 verën e kaluar.
Por tash që Hansi Flick ka zëvendësuar Joachim Low, dhe Gjermania është e pamposhtur që një vit, a mund Anglia përsëri ta mposhtë? Dhe a do ta shfrytëzojnë këtë mundësi lojtarët e Southgate për t’i bërë përshtypje teksa ai mendon për përzgjedhjen e lojtarëve për Kupën e Botës.
Southgate ka thënë se tashmë ka një “ide mjaft të mirë” për skuadrën e tij, por ka ende vende në skuadrën e tij për Kupën e Botës, raporton SkySport.
Më vetëm pesë ndeshje të mbetura nga tani deri në nëntor, Southgate po përdor ndeshjet në Ligën e Kombeve për të eksperimentuar me personelin, “nuk kemi miqësore për ta provuar, kështu që duhet ta bëjmë në këto lloj ndeshjesh,” tha ai të shtunën.