Një zyrtar i lartë ushtarak izraelit shprehu mirënjohjen ndaj homologut të tij britanik për “përpjekjet e tyre të përbashkëta mbrojtëse” në zmbrapsjen e dronëve iranianë të gjuajtur në Izrael të dielën.
Shefi i Shtabit të Forcave të Mbrojtjes të Izraelit (IDF) gjeneral-lejtnant Herzi Halevi përcolli vlerësimin e tij të thellë për forcat britanike për bashkëpunimin dhe operacionin e tyre me cilësi të lartë, sipas një deklarate të IDF.
Izraeli dhe forcat aleate duke përfshirë Shtetet e Bashkuara, Francën dhe Mbretërinë e Bashkuar kapën të dielën një valë sulmesh iraniane të gjuajtura si hakmarrje ndaj një sulmi të dyshuar izraelit në konsullatën iraniane në Damask, në Siri, në fillim të këtij muaji.
Kryeministri britanik Rishi Sunak ka qenë nën presion të shtuar të brendshëm për të zbutur mbështetjen e tij ndaj fushatës ushtarake të Izraelit në Gaza dhe për të ndaluar shitjen e armëve ndaj shtetit.
Thirrjet që Sunak të ndalonte furnizimin me armë të Izraelit u rritën pasi një sulm ajror izraelit më 1 prill vrau shtatë anëtarë të stafit të organizatës së ndihmës World Central Kitchen, tre prej të cilëve ishin shtetas britanikë .