Kryetari i Aleancës për Ardhmërinë e Kosovës (AAK), Ramush Haradinaj, ka kujtuar të rënët e 21 majit.
Ai ka kujtuar heroin Myrtë Zeneli me bashkëluftëtarët Faruk Elezi, Arben Krasniqi, Xhezair Syla, Qaush Fazlija dhe Isuf Morina, të cilët kishin rënë gjatë betejës treditore.
“Më 21 maj 1998, gjatë betejës treditore në Grabanicë, Qeskovë, Dollovë, Kpuz e Bokshiq, do të përjetësohej Heroi Myrtë Zeneli, ndër luftëtarët e parë të Shqiponjës dhe dëshmori i saj i parë, me bashkëluftëtarët Faruk Elezi, Arben Krasniqi, Xhezair Syla, Qaush Fazlija dhe Isuf Morina. Po të njëjtën ditë u përjetësua edhe Heroi Arben Haliti”, ka thënë Haradinaj.
Kreu i AAK-së është shprehur se tre vëllëzërit Mehmet, Ajet dhe Hetem Rexha, kanë rënë të pandarë, sipas tij, për ta shkruar me gjakun e tyre historinë tonë më të re.
“Lavdi e përjetshme të gjithë të rënëve për liri!”, ka thënë i pari i AAK-së.