Një person është arrestuar gjatë orëve të natës të së mërkurës pas plagosjes në Pejë.
I njëjti po dyshohet për dhënie të ndihmës pas kryerjes së veprës penale.
Këtë e ka konfirmuar për Portalin Dukagjini, prokurori i rastit, Ersan Qavolli.
“Mund t’ju konfirmoj që kemi arrestuar një person ai po dyshohet për ndihmë në pas kryerjes së veprës penale. I dyshuari kryesor është ende i paarritshëm në arrati. Ai tashmë është i identifikuar, policia po punon për kapjen e tij”- tha Qavolli.
Në anën tjetër, raportohet se pas plagosjes në Pejë janë zhvilluar edhe disa kontrolla e bastisje për vendin se ku mund të jetë i dyshuari.
Agron Gashi, 21-vjeçar, tashmë është në kërkim nga organet e rendit si i dyshuar kryesor për plagosjen e tre personave në Pejë.
Vepra penale ndaj tij është vrasje e rëndë në tentativë.
Tre të plagosurit janë dërguar në QKUK për tretman mjekësor.
Plagosja e tre personave në Pejë, policia kërkon ndihmë për kapjen e të dyshuarit