Zejnullahu: Nëse s’do të kishte negocim për ikje, Radojçiq do të arrestohej ose do vritej

Para disa ditësh, bazuar në një raport të Grupit Ndërkombëtar të Krizave, thuhej se largimi i terroristëve të sulmit të 24 shatorit në Banjskë të Zveçanit, është bërë në negocimin me zyrtarë të KFOR-it.

• KFOR-i mohon se ndërmjetësuan për ikjen e grupit terrorist nga Banjska

“Kjo është e pasaktë. Në asnjë moment KFOR-i nuk ishte i përfshirë në negociatat e supozuara”, ishte reagimi i misionit të NATO-s në Kosovë ndaj pretendimeve të këtij raporti.

Por, ish-rreshteri FSK-së, Fetah Zejnullahu, është i bindur se ka pasur negocim, dhe për këtë ka përgjegjësi edhe KFOR-i.

• KFOR-i kishte negociuar tërheqjen e paramilitarëve nga Banjska – çfarë thotë raporti i ICG-së

“Kush e bëri do të dalë në pah. Por mendoj, sidoqoftë, qoftë në aspektin direkt apo indirekt, përgjigje KFOR-it nuk bie”, ka thënë Zejnullahu në “Rreth e Rrotull” të Dukagjinit.

Sipas ish-rreshteri të FSK-së, po të mos kishte marrëveshje për largimin e terroristëve, por edhe të kryeterroristit, Millan Radojçiq, ose do të ishin arrestuar, ose do të ishin eliminuar nga forcat e Policisë së Kosovës.

“Po të mos kishte marrëveshje ose të ishin arrestuar këta kriminelë apo do ta kishin fatin e disave që mbetën të vrarë”, ka shtuar Zejnullahu.