Në majën e Jezercës është gjetur pa shenja jete një 32-vjeçar.
Sipas njoftimit të policisë, dyshohet se ai kishte rrëshqitur nga një lartësi dhe si pasojë ka humbur jetën.
“Në mëngjes, ekipi i kërkim-shpëtimit malor i Emergjencave Civile është nisur me helikopterin e Ministrisë së Mbrojtjes, për t’i lokalizuar dhe ndihmuar turistët. Pas disa orësh kërkime, është gjetur pa shenja jete njëri nga turistët, 32 vjeç, i cili dyshohet se për shkak të terrenit të thepisur malor, ka rrëshqitur nga një lartësi dhe si pasojë e dëmtimeve ka humbur jetën,” thuhet në njoftimin e e Policisë së Shtetit.
Turisti tjetër është larguar drejt Malit të Zi në gjendje të mirë shëndetësore.