Kryeministri i Kosovës, Albin Kurti, do të marrë sot pjesë në promovimin e librit për masakrën e Poklekut.
Autori i librit është Afrim Hysenaj, ndërsa promovimi do të bëhet te Shtëpia muze e masakrës në Drenas, duke filluar nga ora 11:00.
Në Poklek të Drenasit, më 17 prill 1999, forcat serbe vranë 53 anëtarë të familjes Muqolli, Caraku e Elshani, prej të cilëve 23 fëmijë.
Pasi forcat serbe i ekzekutuan, trupat e viktimave u dogjën me qëllimin për t’i zhdukur gjurmët e krimit. Nga kjo masakër mbetën vetëm disa copëza eshtrash të cilat ishin zor të diheshin se kujt i takonin.