Lojërat Olimpike “Paris 2024” do të fillojnë më 26 korrik dhe do të zgjasin deri më 11 gusht. Kosova do të jetë njëra nga vendet që do të ketë garues të kategorive të ndryshme.
Kryeministri Albin Kurti, përmes një postimi në “Facebook”, iu ka uruar fat garusve, të cilët po ashtu pranuan flamurin shtetëror.
“Dy ditë para nisjes drejt Parisit, ekipi olimpik i Republikës së Kosovës pranoi zyrtarisht flamurin shtetëror i cili do të valëvitet e lartësohet nga atletët tanë në ceremoninë hapëse të Lojërave Olimpike. Nga Tokio, tash në Paris, u urojmë shumë suksese e fat garuesve tanë,” shkruan Kurti.