Xhudistja e njohur kosovare, Distria Krasniqi ka kaluar në gjysmëfinale në Lojërat Olimpike
Krasniqi ka fituar me “Ippon” ndaj xhudistes izraelite, Gefen Primo.
Ajo është shumë pranë medaljes olimpike, pasi i duhet vetëm edhe një fitore.
Kundërshtarja e saj në gjysmëfinale do të jetë Odette Giuffrida, nga Italia, e cila mposhti në çerekfinale Reka Pupp nga Hungaria.
Ndryshe, ajo në paraqitjen e saj të parë në “Paris 2024” e siguroi fitoren për vetëm 37 sekonda, ku me Ippon mposhti kundërshtaren e saj nga Indonezia, Maryam March Maharani.
Kështu, Krasniqi e kaloi me shumë lehtësi raundin e dytë, duke treguar formë të mrekullueshme.
Distria Krasniqi kalon në çerekfinale në Lojërat Olimpike “Parisi 2024”
Për fitoren e saj të parë iu gëzuan edhe krerët e shtetit, ku Osmani tha: E arta jonë, Distria, Bravo
Edhe kryeministri i vendit, Albin Kurti ka shkruar për fitoren e Distria Krasniqit, madje Kurti u shpreh i “habitur” se si xhudistja kosovare ka arritur suksesin e saj për vetëm 39 sekonda.