Akil Gjakova ka nisur me fitore aventurën në Lojërat Olimpike “Parisi 2024”, në kategorinë deri në 73 kilogramë
Kundërshtari i parë i Akil Gjakovës ishte braziliani Daniel Cargnin.
Xhudisti kosovar e ka fituar luftën e parë, pasi mposhti brazilianin. Së pari me Wazzari, pastaj edhe me Ippon, Gjakova ka kaluar në raundin tjetër.
Ndryshe nga Akili, motra e tij, Nora nuk ka arritur të kalojë në raundin tjetër.
Kjo pasi ajo është eliminuar pas tri gabimeve gjatë meçit me xhudisten nga Mongolia, Enkhriilen Lkhagvatogoo.
Në Paris këtë të hënë janë duke u zhvilluar garat në kategorinë deri 57 kilogramë te xhudistet dhe kategorinë deri 73 kilogramë te xhudistët.
Po ashtu, boksieria Donjeta Sadiku do të përballet mbrëmjen e së hënës.
Sot është dita e Donjetës, Akilit dhe Norës në Olimpiadën e Parisit