Një ngjarje e rëndë ka ndodhur në fshatin Hade të Komunës së Obiliqit, ku një person është gjetur i vdekur. Policia e Kosovës ka njoftuar për këtë incident në orët e para të mëngjesit të sotëm, rreth orës 06:00.
Zëdhënësja e Policisë së Kosovës për rajonin e Prishtinës, Flora Ahmeti, ka konfirmuar për Dukagjinin se policia mori informacionin për një person pa shenja jete dhe menjëherë është dërguar në vendin e ngjarjes.
“Sot rreth orës 06:00, policia ka pranuar informatën për një person pa shenja në fshatin Hade të Komunës së Obiliqit… Menjëherë pas marrjes së informatës, policia ka dalë në vendin e ngjarjes ku ka ftuar edhe mjekët emergjentë, me ç’ rast është konfirmuar se viktima, mashkull është pa shenja jete. Aktualisht policia me kujdes të shtuar po trajton të gjitha rrethanat që karakterizojnë ngjarjen”, ka njoftuar Ahmeti.