Ndihmëssekretari i përgjithshëm i NATO-s për Çështje të Jashtme dhe Siguri, Boris Ruge, është takuar të martën me presidentin e Serbisë, Aleksandër Vuçiq.
Në takim me Vuçiqin, Ruge ka thënë se NATO pret nga Serbia që të ndihmojë në sigurimin e llogaridhënies së plotë për sulmin e majit në Zveçan dhe atë të shtatorit në Banjskë.
“Një bashkëbisedim i mirë me presidentin Aleksandër Vuçiq për marrëdhëniet NATO – Serbi që shpresojmë t’i shohim të thellohen. Po ashtu kemi diskutuar çështjet rajonale, përfshirë sigurinë e qëndrueshme në Kosovë. NATO po pret nga Serbia që të ndihmojë të sigurojë llogaridhënie e plotë për aktet e dhunshme të majit dhe shtatorit të vitit 2023”, ka shkruar Ruge në “X”.
Good exchange with President @avucic on NATO #Serbia relations which we hope to see deepened. We also discussed regional issues, including lasting security in Kosovo. #NATO looks to Serbia to help ensure full accountability for the violent acts of May & September 2023. pic.twitter.com/Pkf096abxR
— Boris Ruge (@RugeBoris) August 21, 2024