Një person është arrestuar në Suharekë të mërkurën nën dyshimin se i njëjti ka shpërndarë në rrjete sociale materiale me përmbajtje të keqpërdorimit seksual të fëmijëve.
Siç ka njoftuar Policia e Kosovës, i dyshuari me vendim të prokurorit, pas intervistimit, është liruar në procedurë të rregullt.
“Suharekë 18.09.2024-12:30. Hetuesit policorë nga Drejtoria e Krimeve Kibernetike, kanë identifikuar dhe arrestuar të dyshuarin mashkull kosovar pasi i njëjti në rrjete sociale vazhdimisht ka shpërnda materiale me përmbajtje të keqpërdorimit seksual të fëmijëve. Me vendim të prokurorit, pas intervistimit i dyshuari është liruar në procedurë të rregullt”, thuhet në raportin 24-orësh të Policisë së Kosovës.
Ndërsa, rasti në polici është iniciuar si “Materialet me përmbajtje të shfrytëzimit dhe keqpërdorimit seksual të fëmijëve”.