Policia e Kosovës ka njoftuar se një shpërthim ka ndodhur në orët e para të së dielës në qytetin e Podujevës.
Sipas raportit 24-orësh të Policisë, rasti është klasifikuar si shkaktim i rrezikut të përgjithshëm dhe po hetohet nga autoritetet.
“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia. Lidhur me rastin është njoftuar edhe prokurori, rasti në procedurë hetimore”, thuhet në raport.