Një 22-vjeçar është arrestuar të mërkurën mbrëma në rrugën “Fahri Fazliu” në Prishtinë.
Siç ka njoftuar Policia, i arrestuari dyshohet se ka kryer për plot 27 vepra penale që lidhen me mashtrime dhe shpërdorim të pasurisë së huaj.
“Hetuesit nga Sektori i Hetimeve të Drejtorisë së Policisë së Kryeqytetit, respektivisht hetuesit e stacionit Veriu, mbrëmë kanë arrestuar një person të dyshuar për 27 vepra penale (mashtrime dhe shpërdorime të pasurisë së huaj)”, thuhet në njoftimin e PK-së.
Sipas njoftimit, puna disa mujore e hetuesve policor ka rezultuar me identifikimin dhe arrestimin e personit të dyshuar, D.M, mashkull 22 vjeç, shtetas i Republikës së Kosovës.
Ndërsa, me vendim të prokurorit të shtetit i dyshuari dërguar në qendrën e mbajtjes për 48 orë.
“Mbështetur në rezultatet e para të hetimit, policia ka ngritur dyshimin e bazuar se i arrestuari dyshohet të ketë marrë nga ankuesit (numri më i madh i ankuesve janë taksistë), shuma të ndryshme të parave, duke i mashtruar gjatë kryerjes së pagesave për shërbime dhe blerje”.