Momente frike janë përjetuar gjatë Kampionatit Botëror të Notit, që është duke u mbajtur në Budapest.
Notarja amerikane, Anita Alvarez ka humbur ndjenjat teksa ishte në pishinë duke konkurruar dhe si pasojë për disa sekonda qëndroi e zhytur në fundin e pishinës, raporton BBC.
Vendimtare për jetën e saj ishte ndërhyrja e trajneres e cila reagoi me shpejtësi ndaj situatës duke i dhënë ndihmën e shpejtë, ndërsa stafi mjekësor, më pas stabilizoi situatën.
Notarja amerikane tashmë është mirë, teksa shkaku i humbjes së ndjenjave ishte stresi i madh në bashkëpunim edhe me nxehtësinë e lartë në ambientin ku garohej.