Një burrë rreth të 40-tave, identiteti i të cilit nuk dihet, e vendosi kartën e memories në çantën e tij pasi doli në mbrëmje në qytetin Amagasaki, në veriperëndim të Osakës.
Kishin kaluar disa orë duke pirë në një lokal përpara se të humbiste përfundimisht në rrugë, raportuan mediat lokale.
Pak më vonë, ai kuptoi se i mungonte çanta dhe karta e memories.
Zyrtarët kanë bërë të ditur se karta e memories, përfshinte të gjithë emrat, datat e lindjes dhe adresat e të gjithë banorëve të atij qyteti. Në USB, gjithashtu, kishte informacione shumë të ndjeshme, duke përfshirë detajet tatimore, numrat e llogarive bankare dhe informacione për familjet që marrin sigurime shoqërore.
Por, fati me sa duket ishte në anën e 40-vjeçarit, pasi zyrtarët e vendit kanë thënë se të dhënat që janë në kartën e memories janë të koduara dhe të kyçura me një fjalëkalim, dhe se deri më tani askush nuk kishte tentuar të futej në aksesin e informacioneve.
Zyrtari i qytetit Amagasaki në një konferencë për shtyp, kërkoi falje për këtë incident, duke u përkulur për falje drejtuar banorëve.
“Na vjen thellësisht keq që kemi dëmtuar thellësisht besimin e publikut në administrimin e qytetit,” ka thënë një zyrtar i qytetit Amagasaki në një konferencë për shtyp.