Arsim Gërxhaliu, ekspert i mjekësisë ligjore ka rrëfyer përjetimin e “lavdishëm” të kryerjes së autopsisë nga ekspertët ligjor vendor dhe të rivarrosjes së trupave të familjes legjendare të Adem Jasharit në Prekaz.
Gërxhaliu në “Rreth e Rrotull” në Dukagjin tha se për rivarrosjen e tyre ka vendosur familjarët e familjes, Jashari dhe pavarësisht vështirësive të paraqitura rrugës për sigurimin e urdhërit të gjykatës, procedura është kryer me sukses.
Një detaj nga kjo përvojë, Gërxhaliu thotë se trupi i Hamëz Jasharit ka qenë më i dëmtuari dhe se Adem Jashari ka luftuar i plagosur me dy plumba, deri kur e mori plumbin pas veshit të snajperit.
Ai shtoi se në rivarrim ka pasur mungesë ekstrem të kushteve, ku gëlqerja është përdorur si mjet deziinfektues.
” Ditën e parë axha Shaban, pastaj Hamza dhe tani Adem Jashari. 6-7 orë pune me ta. Pjesë kockore nuk kanë qenë të prekura. Ka qena qenë i plagosur me dy plumba në pjesën e abdomenit, I plagosur ka luftuar deri momentin kur ka hy brenda dhe k ambush armën me municion. Dhe kur ka dale jashtë, tek një pjesë e shtëpisë dhe ka luftuar me pjesën serbë ku kanë qenë në pjesën e varrezave. Predha e veshit në pjesën e përparme të fytit ka ardhur nga snajperi, tek fabrika e armëve.
Ka edhe predha metalike edhe pas vdekjes së tyre. Trupi I Hamzës ka qenë më I dëmtuar, sepse komplet pjesa e gjoksit dhe pjesa skajore e brinjve ka qenë e dëmtuar, dhe me gjasë me eksploziv I dëmtuar. Janë vrarë nga eksplozivi I armëve, dhe shumica e goditjeve pas vdekjes së tyre”, shtoi Gërxhaliu.
Gërxhaliu tha se në prurjen e trupave ka pasur edhe persona të tjerë, që nuk kanë ndërlidhje me familjen nga Prekazi.
“Ka pas edhe persona të paidentifikuar, epitafe 6-7 N.N dhe 6-7 persona kanë qenë gabimisht të varrosur. 4 nuk I kanë takuar epopees. Edhe 3 të tjerë që nuk kanë pasur lidhje me Prekazin”, tha ai.
Ai tha se për proceduren e rivarrimit ka pasur interesim të jashtëzakonshëm të qytetarëve për pjesëmarrje.