Aktivistët e grupit “asni cent më shumë” sot kanë bllokuar hyrjen në zyren e ZRRE-së, ky bllokim vjen si pasojë protestuese lidhur me tarifat e energjisë elektrike. Bllokimi i tyre ka ndodhur në mëngjesin e së mërkurës, ku më pas janë ballafaquar me forcat e rendit dhe të ligjit. Sipas një përgjigje për TV Dukagjinin janë shoqëruar 12 aktivistët nga Policia e Kosovës.
Këtë e ka konfirmuar zëdhënësja e PK-së në Prishtinë, Flora Ahmeti e cila ka thënë se janë duke u proceduar konform autorizimeve policore në kordinim me Prokurorin e shtetit.
“Sot rreth orës 08:00 në rrugën “Bekim Fehmiu” në Prishtinë, disa persona kanë zhvilluar një aktivitet të paparalajmëruar. Të njëjtit kanë shpërfillë urdhërat e zyrtarëve policor dhe kanë penguar disa zyrtarë të hyjnë në zyrat e tyre. Duke u gjendur në rrethana të tilla, policia ka shoqëruar në stacionin policor 12 prej protestuesve dhe aktualisht të njëjtit janë duke u proceduar konform autorizimeve policore në koordinim me Prokurorin e shtetit.