Të dielën ka ndërruar jetë ish-kryeprokurori i Kosovës, Ismet Kabashi.
Lajmin e kanë bërë të ditur familjarët e tij, të cilët kanë njoftuar se ceremonia e varrimit do të mbahet të hënën, më 14 prill, në varrezat e Shipolit në Mitrovicë.
Gjatë karrierës së tij, Kabashi ka mbajtur disa funksione të rëndësishme në sistemin e drejtësisë në Kosovë.
Ai ka qenë kryeprokuror në Prokurorinë Publike të Qarkut në Prishtinë dhe në Mitrovicë, gjyqtar dhe kryetar i Gjykatës Komunale në Skenderaj, si dhe gjyqtar në Gjykatën e Qarkut në Mitrovicë.
Po ashtu, ka shërbyer edhe si kryesues i Këshillit Prokurorial të Kosovës, ndërsa për një periudhë kohe ka ushtruar edhe profesionin e avokatit.
“Me dhimbje të thellë ju njoftojmë për ndarjen nga jeta të më të dashurit tonë, Ismet Kabashi. Ai u nda nga kjo jetë duke lënë pas një boshllëk në zemrat tona. Kujtimi për të do të mbetet i përjetshëm”, thuhet në njoftimin e familjarëve të publikuar në Facebook.