Imami Osman Musliu ka hedhur akuza të rënda ndaj strukturave shtetërore dhe fetare në Kosovë, duke pretenduar se Serbia ka ndikim të përhapur nëpër institucionet kryesore të vendit.
“Nuk keni pas nevojë me shku në Serbi hiq, se Serbia i ka argatët e vet gjithkund – në Bashkësinë Islame, në qeveri, në ushtri, polici, madje edhe në Ipeshkvi,” deklaroi Musliu në “Debat Plus”.
Ai theksoi se që nga paslufta, disa hoxhallarë kanë paralajmëruar rrezikun e infiltrimit dhe kërcënimet që i kanosen sigurisë së Kosovës, por shteti nuk ka reaguar me kohë.
“Sot, pas 15 vitesh, po dalin të vërteta ato që i kemi thënë moti,” deklaroi Musliu.