Deputetja e Aleancës për Ardhmërinë e Kosovës, Time Kadrijaj, u ka bërë thirrje mediave që të mos mbulojnë më mbledhjet e Kuvendit gjatë seancave konstituive, pasi sipas saj ato nuk po sjellin asnjë rezultat.
“Një cirk po ndodh këtu në Kuvendin e Kosovës. Nuk ka asnjë ndryshim. Është dhënë alternativa, por Vetëvendosje është fokusuar vetëm në një emër dhe nuk po tentojnë të shohin nëse ka ndonjë kandidat tjetër që mund ta marrë shumicën…”, ka theksuar ajo.
“Është mirë që mediat nuk po veprojnë si ambasadorët, që nuk dërgojnë përfaqësues në këto seanca. Ndoshta do të ishte më mirë që edhe ju të abstenuat, sepse këto seanca nuk po prodhojnë asgjë”, ka deklaruar tutje Kadrijaj.