Kryeministri i Malit të Zi, Dritan Abazoviq ka arritur në Beograd për një vizitë zyrtare. Ai është pritur me ceremoni zyrtare nga homologia serbe, Ana Bërnabiq.
Abazoviq do të qëndrojë për dy ditë në Serbi, përveç takimit me Bërnabiq është takuar edhe me presidentin Aleksander Vuçiq.
Në pjesëmarrjen e Samitit për Ballkan të Hapur, Abazoviq kishte theksuar se vizita e parë në rajon do të jetë në Beograd, ku kjo kishte treguar se po vinte një kohë më e mirë mes dy vendeve.
Pas takimit me presidentin serb, përmes një postimi nga vetë kryeministri Dritan Abazoviq, të dy shihen të buzëqeshur. Abazoviq ka falendëruar Vuçiqin për qasjen miqësore.
Sipas tij, së bashku janë duke hapur horizonte të reja për bashkëpunim në të ardhmen.
“Që nga data 1 korrik nuk do të ketë më ndalesa për deputetët e Malit të Zi për të hyrë në Republikën e Serbisë,” ka shkruar Abazoviq.
