Kievi është sulmuar me dronë pasi presidenti rus, Vladimir Putin, ka kërcënuar se do t’i përgjigjet një sulmi masiv të Ukrainës në Rusi.
Forca Ajrore e Ukrainës ka njoftuar se Rusia ka lëshuar raketa balistike dhe dronë të premten herët, raportoi CNN.
Autoritetet kanë raportuar se janë vrarë katër persona dhe dhjetëra të tjerë kanë pësuar lëndime.
“Katër persona janë konfirmuar të vdekur në kryeqytet. Operacionet e kërkimit dhe shpëtimit po vazhdojnë në disa lokacione”, ka thënë kryetari i Kievit, Vitali Klitschko.
Shërbimet në metro janë ndaluar për shkak të sulmeve që dëmtuan një tren mes stacioneve.
Sulmet ajrore kanë vënë në flakë edhe ndërtesa në disa pjesë të qytetit.