Një ditë pas varrimit të Agon Zejnullahut, 27-vjeçarit që humbi jetën në rrethana të dyshimta gjatë një ndërhyrjeje policore në Lipjan, ka folur vëllai i tij.
Në një intervistë për televizionin Dukagjini, vëllai i viktimës, Albani, ka treguar se janë në pritje të një video ku sipas tij, shihen momentet kur Agoni jep frymën e fundit, duke akuzuar zyrtarët policorë për veprime brutale dhe çnjerëzore.
“Tani jemi në pritje të në video, me pamje me të qartë dhe ku shihet detaje, momenti kur jep frymë. Piskamat e vëllaut, duke thënë ‘nalu, oj nën um mytët’. Vazhdon duke i mbajt këmbën për mbi një minutë mbi fyt, derisa e jep frymën e fundit. Kurse të tjrët vazhdojnë të godasin pandërprerë. Ia lidhin duart dhe ashtu të vdekur me kokë poshtë e mbajnë deri vjen emergjenca.
Asnjë kontakt nga asnjë institucione nuk e kemi. Fare… vëllai nuk është më në këtë botë shkaku i tyre”, ka thënë Zejnullahu.