Një i mitur në Malishevë është intervistuar nga autoritetet, pasi kishte publikuar në rrjetet sociale një fotografi ku shihej duke mbajtur një pistoletë.
Policia bën të ditur se arma i takonte një familjari të të miturit, i cili më pas e dorëzoi vullnetarisht armën në polici.
Ndërkohë, në fshatin Lladroc, pas disa të shtënave me armë zjarri, Policia ka gjetur në terren 17 gëzhoja dhe 20 fishekë. Gjatë kontrollit të shtëpive dhe intervistimit të të dyshuarve, ata kanë pranuar posedimin e armëve dhe kanë dorëzuar një revole dhe një pushkë gjuetie me leje të skaduar.
Të dy rastet janë iniciuar në bashkëpunim me prokurorin, nën akuzat “Mbajtja në pronësi, kontroll ose posedim të paautorizuar të armëve” dhe “Përdorimi i armës apo mjetit të rrezikshëm”.