“Keni besim në bashkësinë ndërkombëtare. Keni besim në udhëheqjen tuaj që kanë me ju kthy në institucionet tuaja, ndërtesat tuaja, shtëpitë tuaja”.
Me këto dy fjali të ish-presidentit të Kosovës, Hashim Thaçi, ka filluar një video e shpërndarë nga Lëvizja Vetëvendosje e cila thotë që thotë se për një vit e gjysmë qeverisje e ka ndryshuar gjendjen në veri të Kosovës.
Sipas LVV-së, ndryshimi i veriut është parë më së miri në qeverisjen e deritanishme të Kryeministrit të Kosovës, Albin Kurti. Si pjesë “të ndryshimeve”, LVV ka përmendur referendumin e parealizuar të Serbisë, pengimin e zgjedhjeve në Kosovë, ndërtimin e 3 stacioneve policore në një vend ku Policia e Kosovës udhëtonte vetëm me helikopterë, mbylljen e laboratorëve të drogës, pagimi i energjisë elektrike dhe mbylljen e qendrave të kriptovalutës.
“Po integrohet veriu na thoshin, gjersa ne ua paguanim qindra miliona euro energji elektrike që ata të hapin rrugë të reja të kontrabandës e t’i shtojnë pajisjet për kriptovaluta. 20 vjet zgjati kjo gjendje. Sa herë thuhej integrim bëhej ndonjë ndarje e mëtejmë. Dikur madje thanë se veriu nuk vyen gjë, duhet ta japim se është dhuratë e Rankoviqit. Ky është pra veriu që na e kanë lënë PDK, LDK, AAK: territor që atyre ju sjell të ardhura e Serbisë mundësi të reja kolonizimi”, thotë LVV përmes kësaj videoje.
Ndër të tjera, me bindshmëri, LVV-ja thotë që një gjë e tillë ka qenë përherë e mundur dhe se më herët, Veriu ishte shfrytëzuar për përfitime personale.
Grupe qytetarësh serbë nga Kosova kishin udhëtuar në mënyrë të organizuar në disa qytete të Serbisë për të marrë pjesë në zgjedhjet presidenciale dhe parlamentare, pasi të njëjtit u penguan nga autoritetet në Prishtinë të cilat nuk lejuan që ato të mbahen në Kosovë.