📅 21 gusht | 🕓 17:00 | 📍 Prishtina Mall
Pas suksesit të vitit të kaluar, jCoders, në bashkëpunim me Prishtina Mall, rikthen Panairin e Bizneseve për Fëmijë. Më 21 gusht, hapësira e qendrës tregtare do të mbushet me energjinë, kreativitetin dhe pasionin e dhjetëra fëmijëve që prezantojnë idetë e tyre të shndërruara në biznese reale.
Ky panair është kulmi i një programi 3-javor “Teknologjia takon Ndërmarrësinë” për fëmijët 11–14 vjeç, ku ata kalojnë nga ideja në produkt, duke mësuar:
- Ideimin dhe zgjidhjen e problemeve
- Hulumtimin e tregut
- Zhvillimin dhe brandimin e produktit
- Menaxhimin financiar
- Prezantimin publik me vetëbesim
Përveç stendave të bizneseve të fëmijëve, këtë vit panairi ofron dy punëtori unike:
- 3D Modelim – krijim objektesh digjitale të gatshme për printim 3D.
- Elektronikë me Labbox – ndërtim qarqesh, përdorim sensorësh, LED dhe motorësh në mënyrë interaktive.
Ngjarja zhvillohet nga ora 17:00 dhe është e hapur për publikun. Të gjithë vizitorët mund të eksplorojnë idetë e reja, të marrin pjesë në punëtori dhe të mbështesin sipërmarrësit e ardhshëm.
“Ky panair nuk është vetëm një vend ku fëmijët tregojnë çfarë kanë krijuar – është një hapësirë ku ata kuptojnë fuqinë e ideve dhe guxojnë t’i kthejnë në realitet.” – jCoders